Mi sunnavi di stari dintra nu paisi
dunni li megghiu cristiani ca s'attrova
'nzemmula travagghianu pi 'nna cosa nova
'nveci di scassarni li cabbasisi

La democrazzìa ca st'ha addivintannu fitinzìa
oramai ca è tutto dilinquenza
ca a colpi di sputazzati e murtadella
ni fannu veniri vogghia 'i fari razzìa

Oramai da pulitica n'am'à sulu a scantari
ca tutti ricunu all'avutru "sì curnutu!"
a cu vucìa cchiu forti 'a coppa c'attucca
e caciazzi nta li denti a cu sta mutu
amentri nuàtri stamu 'n casa a strummintìari
e di sta ran lurdùria n'inchiemu 'a vucca.

M'haiu arricampatu di la strata
arrifriscannumi la menti e li mè ossa
m'haiu poi addumisciutu lintamenti
a sugnari un jornu senza cummattimenti
dunni li cosi lari e d'ammucciari
putissiru scumpariri di nta l'aria.

E le bacarate bedde ma fituse
cancianu forma e cancianu puru 'a storia
picchì si nuatri 'unn'ì spiragghiamu bonu
chistu munnu va a nesciri di fora
spunnannu la riti ca ni pruteggi
spardannu li lotti di li nostri patri.

Taliannu lu ciumi ca s'assicca
m'addugnu ca di vita ci 'nn'è picca
e si m'acchiana la gana di na nisciuta
jo nesciu, e caccarunu â luci astuta

Nuddu ntisi lu scusciu a cch'ia trasivi
di li chiavi ca si 'mpilavanu ntô purtuni
chista è 'a zita, n'am'à taliari di 'n capu a 'n coddu
ca sta vita ni firria ntornu e s'ammuccia

Li pinnuli ann'à finiri un jornu o l'autru
la fantasìa av'à muoriri nnû mè cirivieddu
ca si 'u sceccareddu s'addumisci supra li friseddi
nuatri siccamu nta sti situazziùna c'un sù beddi

Io sugnu prontu, lu mè nummaru 'u canusciti
nuatri semu chini ri vogghia e beddi tinti
ad accattarini n'anticchia di cosi linti
a nutricari i babbaluci chini 'i sputazza
a lignari li veru mafiusi c'à megghiu mazza
ad appizzari n'autru jornu ri sulitazza.