Lu senti stu ciavuru
li purmuna ti inchi
l'aroma priatu
lu scusciu abbuttatu
dô niuru travagghiu
chi nun voli finiri

E t'arricordi dî jorna
ca ti sintivi picciottu
a spardari nuttati
un sapennu pi 'nzoccu
ora ca ti siddiasti
abbuttatu alla megghiu
allampatu di raggia
teni sulu nu scantu
pi li grana 'a matìna
p'accattariti 'u pani
p'attruvà na raggiuni
p'arrispigghiariti arrera.